Blog

सरकारी स्वामित्वको नेपाल टेलिकमले ३२ जिल्लाका ५० भन्दा बढी शहरमा चौथो पुस्ताको फोरजी सेवा सञ्चालनमा ल्याएको छ । प्रधानमन्त्री केपी शर्मा ओलीले आज सातै प्रदेशका मुख्यमन्त्रीसँग स्विच दबाएर फोरजी प्रविधिमार्फत ‘भिडियो कन्फरेन्स’ गरी सेवा शुभारम्भ भएको घोषणा गर्नुभयो ।

टेलिकमले यसअघि २०७३ साल पुस १७ गतेदेखि काठमाडौँ र पोखरामा फोरजी सेवा उपलब्ध गराएको थियो । टेलिकमले बढी व्यावसायिक र व्यापारिक कारोवार हुने तथा बढी जनघनत्व भएका स्थान चयन गरेर सेवा विस्तार गरेको हो । त्यसका लागि करीब १५० भन्दा बढी स्थानमा बिटिएस टावर जडान गरिएको छ ।

सातै प्रदेशका मुख्यमुख्य शहरमा फोरजी सेवा विस्तार गरिएको छ । प्रदेश नं १ को चन्द्रगढी, विर्तामोड, दमक, विराटनगर, इनरुवा, धरान र धनकुटामा फोरजी सेवा सञ्चालनमा आएको छ ।

यस्तै प्रदेश नं २ को जनकपुर, जलेश्वर, मलङ्गवा, बारा, पर्सा, सिमरा, कलैया र गौरमा पनि सेवा शुरु भएको छ । प्रदेश नं ३ को धादिङ, काभ्रेपलान्चोक, सिन्धुपाल्चोक, विदुर, मन्थली, भीमेश्वर, सिन्धुलीमाडी, चितवन, सौराहा तथा गण्डकी प्रदेशको पर्वत, कुश्मा र बाग्लुङमा पनि सेवा सञ्चालनमा आएको छ । गण्डकी प्रदेशको प्रादेशिक राजधानी पोखरामा यसअघि नै फोर जी सेवा सञ्चालनमा आइसकेको छ ।

प्रदेश ५ को तौलिहवा, बुटवल, देवदह, तुल्सीपुर, घोराही, नेपालगञ्ज र कोहलपुर, कर्णाली प्रदेशको सुर्खेत तथा सुदूरपश्चिम प्रदेशको भीमदत्तनगर, झलारी पिपलाडी, चौमाला र अत्तरियामा सेवा सञ्चालनमा आएको छ ।

फोरजी एलटीई सेवा आगामी माघसम्म देशभर विस्तार गर्ने लक्ष्य राखिएको छ । गत माघमा सम्झौता भएबमोजिम नै एक वर्षभित्र देशभर नै उक्त सेवा पु¥याउने लक्ष्य साथ युद्धस्तरका काम भइरहेको छ । उक्त सेवा विस्तारका लागि टेलिकमले रु १८ अर्ब खर्च गरेको छ ।

सरकारले अगाडि सारेको ‘डिजिटल नेपाल’को अवधारणालाई सार्थक बनाउन फोरजी सेवालाई महत्वपूर्ण साधनका रुपमा हेरिएको छ । सरकारले डिजिटल नेपाल निर्माण गरी देशको सर्वाङ्गीण विकास गर्न फोरजी सेवाले महत्वपूर्ण भूमिका खेल्ने बताइएको छ ।

सूचना तथा प्रविधिको क्षेत्रमा प्रभावकारी काम गर्ने लक्ष्यका साथ गत माघमा फोरजी सेवाका लागि आवश्यक पर्ने ‘कोर नेटवर्क’ र ‘रेडियो एक्सेस नेटवर्क’ जडानका लागि चिनियाँ कम्पनी जेडटिई कर्पाेरेशन र हङकङको सिसिएसआई कम्पनीसँग सम्झौता भएको थियो ।

सम्झौताअनुसार तोकिएको अवधि पूरा हुन चार महीना बाँकी रहेको भए पनि निर्धारित समयमै काम सकिने देखिएको छ । दैनिक १६ देखि १८ घण्टासम्म निरन्तर खटिई काम सम्पन्न गरिएको थियो ।

टेलिकमले फोरजीका लागि आवश्यक पर्ने ‘कोर नेटवर्क’ काठमाडौँ र बुटवलमा राखेको छ । टावरको फाउन्डेशन, विद्युत् जडान, घरवालासँगको सम्झौता, जग्गा भाडाको सबै काम सम्पन्न गरिसकेको छ । देशभर सेवा विस्तार गरेर थप ६५ लाख ग्राहक थप्ने योजनासाथ काम भइरहेको टेलिकमको दाबी छ ।

गत असार मसान्तको विवरणअनुसार हाल टेलिकमका ग्राहक दुई करोड २६ लाख ९६ हजार छन् । त्यसमा मोबाइल फोन प्रयोग गर्नेको सङ्ख्या मात्रै दुई करोडको हाराहारीमा रहेको नेपाल दूरसञ्चार प्राधिकरणले जनाएको छ । टेलिकमले गत शुक्रबार मात्रै फोरजी विस्तार गर्ने स्थानमा आवश्यक परीक्षण गरेको थियो ।

के हो फोरजी सेवा

फोरजी सेवा प्रयोग गरी कुराकानी गर्न तथा भिडियो, अडियो र सामान्य इन्टरनेट प्रयोगसहितका बहुआयामिक उपयोगिता हासिल गर्न सहज हुने बताइएको छ । सन् १९८० को दशकमा व्यावसायिक रुपमा शुरु भएको ताररहित वा बेतार मोबाइल फोन सेवाले आजको दिनमा आइपुग्दा प्रविधिगत र व्यावसायिक रुपमा ठूलो फड्को मारेको छ । यो उच्च गुणस्तरको भ्वाइस कल सेवा दिने प्रविधि हो ।

फोरजी सेवाबाट ताररहित उच्च गतिको इन्टरनेट प्रयोग गर्न सकिनेछ । यसले द्रुतगतिमा डाटा ‘अपलोड’ र ‘डाउनलोड’ गर्ने क्षमता राख्दछ । फोरजीबाट थ्रिजीभन्दा पाँच गुणा बढी गतिको इन्टरनेट चल्दछ । अन्तर्राष्ट्रिय दूरसञ्चार संस्थाले बनाएको मापदण्डले १०० एमबिपिएस गतिको इन्टरनेट सेवालाई फोरजीका रुपमा मानिएको छ ।

फोरजी प्रविधिअन्तर्गत टेलिकमको नेटवर्कमा ८०० मेगाहर्ज, १८०० मेगाहर्ज र भविष्यमा २३०० मेगाहर्जसमेत गरी तीन अलगअलग फ्रिक्वेन्सी ब्यान्डमा सेवा सञ्चालन गरिने टेलिकमले जनाएको छ । फरकफरक ब्यान्डले सेवाको ‘कभरेज’ र डाटा क्षमतामा प्रभाव पार्ने भएकाले पनि नयाँ विस्तारित सेवा क्षमताको हिसाबले पहिलो विद्यमान फोरजी सेवाभन्दा राम्रो रहेको टेलिकमको दाबी छ ।

कसरी गर्ने ‘एक्टिभेट’

टुजी र थ्रिजी सिमलाई फोरजीमा रुपान्तरण गर्दा कुनै शुल्क नलाग्ने टेलिकमले जनाएको छ । अन्य सिमकार्डको प्रयोग गरेका ग्राहकले मोबाइलमा स्टार ४४४ ह्यास डायल गरी फोरजी सेवा निःशुल्क ‘एक्टिभेट’ गर्न सक्नेछन् । पुरानो सिमले फोरजी सेवा सपोर्ट नगरेमा टेलिकमको जुनसुकै ग्राहक सेवा केन्द्रमार्फत सिम परिवर्तन गर्न सकिनेछ ।

थ्रिजी तथा टुजीको दरमा नै फोरजी सेवा लिन सकिने र थप शुल्क नलाग्ने टेलिकमले जनाएको छ । टेलिकमले दशैँका अवसरमा आइतबारदेखि नै फोरजी र अन्य सेवामा विशेष छुट दिएको छ । कम्पनीका अनुसार पहिलो पटक फोरजी ‘एक्टिभ’ गर्ने ग्राहकले दुई दिनको समयसहितको दुईसय एमबी डाटा बोनस पाउनेछन् । (साभार-ताजा समाचार)

विकास पौडेल
चितवन १४ असोज । हिन्दुहरुको महान् पर्व विजयदशमी , दिपावली एंव छठ पर्वको अवसरमा मंगलवार रत्ननगर नगरपालिका वडा नम्वर ९मा शुभकामना अनदान प्रदान कार्यक्रम सम्पन्न गरेको छ ।उक्त कार्यक्रममा वडा कार्यलयको भवन निमार्णको लागि समेत छलफल भएको थियो । वडाले शुभकामना आदान प्रदान साथै भवन निमार्णको लागि सुझाव संकलन गर्ने उद्देश्यले उक्त कार्यक्रम को आयोजना गरेको वडा सदस्य सरस्वती लामाले जानकारी गराउनु भएको थियो । कार्यक्रममा पुर्व अर्थ मन्त्री एवं प्रतिनिधि सभा सदस्य सुरेन्द्र पाण्डेले रत्ननगरको सडक विकासको लागि सहरी विकास अन्तर्गत १ अर्व वजेट आएको वताउदै वजेटको सहि सदुपयोग गर्नेेु पर्ने वताउनु भएको थियो । पाण्डेले यस संगै निवार्चन क्षेत्र विकास , तराई मधेस कार्यक्रम अन्तर्गत पनि वजेट हुने भन्दै विकासको गतिले फडकोमार्ने वताए ।

त्यस्तै प्रदेस सभा सदस्य कृष्ण खनालले आफ्नो क्षेत्रको विकासका लागि आफ्नो तर्फ वाट गर्न सक्ने सहयोग गरेको वताउनु भएको छ । खनालले समग्र रत्ननगरको विकासको लागि खगेरी खोला छेउ वाट पर्यटकिय सडक निमार्ण गरि सौराहा, ईकोपार्क हुदै मणिखोला सम्म सफारी गराउन सकिने हुदा यस तर्फ ध्यान दिनुपर्ने वताए । खनालले रत्ननगर ९लाई कृषि भन्दा पनि पर्यटन संग जोड्न सके समगै वडाको प्रगति चाडो हुने र पर्यटकिय क्षेत्रको लागि पनि राम्रो सम्भावना रहेको क्षेत्र भएकोले त्यस तर्फ ध्यान दिनु पर्ने खनालले वताउनु भएको छ ।
आजै अन्तराष्ट्रिय जेष्ठ नागरिक दिवसको अवसरमा वडाका दुई जना जेष्ठ नागरिकलाई सम्मान समेत गरेको छ । सम्मानित हुनेमा ८७ वर्षिय रामचन्द्र अधिकारी र ८६ वर्षिय वेचली राउतलाई सम्मान गरिएको थियो ।
कार्यक्रममा वडा भित्रका राजनैतिक दलका प्रतिनिधि , विभिन्न संघस्थाका प्रतिनिधि, वालकलवका प्रतिनिधिहरुको सहभागिता रहेको थियो । सहभागिहरुले वडा भित्रका विभिन्न समस्याहरुको वारेमा आफ्ना प्रतिनिधिहरुको ध्यानकर्षण समेत गराएका थिए । उक्त कार्यक्रम वडा अध्यक्ष रोसश आचार्यको अध्यक्षतामा सम्पन्न भएको थियो ।

१४ आश्विन २०७६,
रत्ननगर ।
रत्ननगरमा रोटरी क्लब अफ रत्ननगर र पत्रकारहरु बिचको मैत्रीपुर्ण फुटबल बराबरीमा सकिएको छ । रोटरी क्लब अफ रत्ननगरको आयोजनामा मंगलबार बागदेवी आधारभुत बिद्यालय जिरौनामा भएको फुटबलमामा निर्धारित ५० मिनेटको खेलमा दुबै पक्षबाट बराबर ३–३ गोल भएपछि खेल बराबरमा सकिएको होे ।


खेलमा रोटरी क्लबको तर्फबाट दिपेन्द्र शर्मा चापागाईले ३ गोल प्रहार गरि ह्याट्रिक गरेका थिए भने पत्रकारको तर्फबाट महेश पाण्डेले २ गोल तथा रबि रोसीले १ गोल प्रहार गरेका थिए ।
कार्यक्रमका सभाअध्यक्ष तथा क्लबका अध्यक्ष बिपीन पोख्रेलले पुर्वी चीतवनमा सक्रिय रुपमा पत्रकारहरुले कलम चलाई रहदा स्वस्थ्य जिवनको लागि खेलकुद एकदमै आवश्यक रहेकाले त्यहि सन्देश दिनका लागि फुटबलको आयोजना गरिएको जानकारी दिए । उनले रोटरी सामाजिक संस्था भएकाले समाजमा धेरै सहयोगको कार्यक्रममा पनि सहभागी भैरहदा यी यस्ता कार्यक्रले उर्जा मिल्ने र आपसी भाईचारा पनि बढ्ने भएकाले अब देखी वार्षीक क्यालेण्डरमानै कार्यक्रम बनाई हरेक वर्ष मैत्रीपुर्ण फुटबल कार्यक्रम गरिने जानकारी दिए ।

प्रमुख अतिथी रोटरी क्लब अफ रत्ननगरका चार्टर प्रसिडेन्ट राजेन्द्र कुमार श्रेष्ठले पत्रकार जगत देशकै चाथो अंग भएकाले पनि रोटरील पत्रकार जगतको सम्मान स्वरुप स्वस्थ्यका लागि खेलकुद भन्ने नारा राखि कार्यक्रम गर्नु निकै ठुलो कुरा भएको बताए । उनले रोटरी क्लब र पत्रकार जगत फुटबल लगाएतका सामाजिक कार्यक्रममा हातेमालो गरि अगाडी बढ्नुपर्ने कुरा ब्यक्त गरे ।

कार्यक्रमका अतिथी राईटपाथ करियर काउन्सीलीङ चितवनका प्रवन्ध निर्देशक शुरज पौडेलले आफुहरुले उच्च शिक्षाकालागि बिद्यार्थीहरुलाई बाहिर पठाउने मात्र नभई यी यस्तै कार्यक्रममा पनि हातेमालो गरेर अगाडी जान चाहेको कुरा ब्यक्त गरे ।

 


पूर्वी चितवन पत्रकार मञ्चलाई दिईएको मायाको चिनो तथा शिल मेडल ग्रहण गदै मञ्चका अध्यक्ष होमनाथ सापकोटाले रोटरीएनहरुसंग खेलिएको खेल निकै सौहार्दपुर्ण भएकोले हरेक बर्ष रोटरीएनहरुसंग खेल खेल्न आफुहरु तयार रहेको कुरा ब्यक्त गरे ।
फुटबल कार्यक्रममा म्यान अफ दि म्याच दुबै टिमका दिपेन्द्र शर्मा चापागाई र ध्रवराज खनाल भए भने प्रत्यक गोलकर्तालाई रोटरीएन नवराज अर्यालले प्रतिगोल एक हजारका दरले रकम प्रदान गर्ने घोषणा गरे । कार्यक्रममा मुख्य रेफ्री अजित चौरेल तथा सहायक रेफ्रि सतीष थापा तथा रुमन तमाङ रहेका थिए ।

रोटरी क्लब रत्ननगर र पूर्वी चितवन पत्रकार बिचको मैत्रीपुर्ण फुटबल

रोटरी क्लब रत्ननगर र पूर्वी चितवन पत्रकार बिचको मैत्रीपुर्ण फुटबलका झलकहरु ३/३ गोलले खेल बराबरी

Posted by Chitrawan Online on Tuesday, October 1, 2019

१३ आश्विन २०७६,
रत्ननगर ।

रत्ननगर १ बकुलहरमा रहेको अर्पण बचत तथा ऋण सहकारी संस्था लि १० औं बार्षिक साधारण सभा सोमवार सम्पन्न भएको छ । साधारण सभामा अध्यक्ष यमन भूषालले प्रस्तुत गरेको बजेट,नीति तथा कार्यक्रम सर्बसम्मत पारित भएको छ । पूर्व अर्थमन्त्री तथा प्रतिनिधि सभा सांसद सुरेन्द्र पाण्डे प्रमुख अतिथि रहेको सो कार्यक्रममा संस्थाका अध्यक्ष यमन भूषालले बजेट,नीति तथा कार्यक्रम सचिव सुरज पौडेलले प्रगति प्रतिवेदन तथा कोषाध्यक्ष किशोर चालिसेले आर्थिक प्रतिवेदन प्रस्तुत गरेका थिए । कार्यक्रममा ६ जना उत्कृष्ट बचतकर्ता,३ जना उत्कृष्ट ऋणि,एसईईमा उत्कृष्ट अंक ल्याउने ३ जना विद्यार्थी,एक जना कर्मचारी,एक जना ज्येष्ठ शेयर सदस्य र पत्रकार विकास पौडेललाई सम्मान तथा पुरस्कृत गरिएको थियो । कार्यक्रममा प्रदेश सभा साँसद कृष्णप्रसाद खनाल,जिल्ला बचत तथा ऋण सहकारी संघका अध्यक्ष हरिशचन्द्र सुवेदी,जिल्ला सहकारी संघका सदस्य प्रेमनाथ दुवाडी,जनजागृति सहकारी संस्थाका अध्यक्ष रमामान्त पौडेल,उज्ज्वल साकोसकी अध्यक्ष ऋतु गिरी,त्रिफला साकोसका अध्यक्ष नारायण आचार्य लगायतले मन्तव्य राखेका थिए । कार्यक्रम संस्थाका अध्यक्ष यमन भूषालको अध्यक्षतामा भएको थियो ।

१३ आश्विन २०७६,
रत्ननगर ।
रत्ननगरमा रहेको सौजन्य बचत तथा ऋण सहकारी संस्थाको आठौं बार्षिक साधारण सभा सभा सोमवार सम्पन्न भएको छ । साधारण सभाले बजेट, नीति तथा कार्यक्रम पारित गरेको छ । साधारण सभाको उद्घाटन गर्दै रत्ननगरकी उपमेयर विमला दुवाडीले गरिवी निवारणको लागि सहकारीले काम गर्नुपर्ने बताइन । उनले पैसा किनबेचबाट माथी उठेर सहकारीले गरिवी निवारणको लागि उद्यमशिलता विकासको लागि लगानी गर्नुपर्ने बताइन । कार्यक्रममा संस्थाका अध्यक्ष धर्मध्वज लम्सालले बजेट,नीति तथा कार्यक्रम,सचिव लिलानाथ अर्यालले प्रगति प्रतिवेदन तथा कोषाध्यक्ष अनिता अर्यालले आर्थिक प्रतिवेदन प्रस्तुत गरेकी थिइन । सो सहकारीमा उत्कृष्ट बचतकर्ताको रुपमा मोहन प्रसाद पाण्डे र असल ऋणिको रुपमा सोविता डल्लाकोटीलाई पुरस्कृत गरेको छ । कार्यक्रममा संस्थाका संस्थापक अध्यक्ष विनोद रेग्मी,रत्ननगर १० का अध्यक्ष केशव आचार्य लगायतले मन्तव्य राखेका थिए । संस्थाका अध्यक्ष लम्सालको अध्यक्षतामा भएको कार्यक्रममा शिक्षा समितिका संयोजक सीपी अधिकारीले स्वागत मन्तव्य राखेका थिए ।

१२ आश्विन २०७६,

सिंगापुरमा जारि त्रिकोणात्मक टि २० क्रिकेटको भर्खरै सम्पन्न आजको सिंगापुर र जिम्बावे बिचको खेल निकै रोमाञ्चक बन्यो । खेलमा सिंगापुरले जिम्बावेलाई ४ रनले पराजित गरेको छ । टस जितेर ब्याटिंग रोजेको सिंगापुरले निर्धारित १८ ओभरमा ९ विकेटको क्षतिमा १८१ रन बनाएको थियो । सिंगापुरका लागि टिम डेबिट र मन्प्रित सिङ्गले सर्बाधिक ४१ / ४१ रन बनाए । त्यस्तै रोहण रंगार्जनले ३९ रन बनाउदा अन्य ब्याट्समेन हरुले खासै उत्क्रिस्टः प्रदर्शन गर्न सकेनन । जिम्बावेका लागि र्यान बुर्लले ३ तथा रिचार्ड नगर्भले २ विकेट लिए । १८ ओभरमा १८२ रनको लक्ष्य लिएर मैदान उत्रिएको जिम्बावेले सुरुवाती प्रदर्शन सुखद गरे पनि जित हात पर्न सकेन । खेलको १३ औ ओभरमा १४२ रन बनाउदा सम्म मात्र २ विकेट गुमाएको जिम्बावेको पछिल्ला ब्याट्सम्यानहरुले राम्रो प्रदर्शन गर्न नसक्दा हार बेहोर्न पर्यो । जिम्बावेका लागि क्याप्टेन सिम विलियम्सले ६६, ओपनर ब्याट्सम्यान रेबिस चकब्भाले ४८ र सी टि मुतोम्बोद्ज़ीले ३२ रन बनाए भने अन्य ब्याट्सम्यानहरुले दोहोरो अंक समेत बनाउन सकेनन । सिंगापुरका लागि अमजद महेबुब र जनक प्रसादले समान २/२ विकेट लिए । ज़िम्बावेलई अन्तिम ओभरमा जितका लागि १० रन चाहिएको थियो तर उसले ५ रन मात्र बनाउन सक्यो । हिजोको खेलमा नेपाल संग लज्जास्पद हार बेहोरेको सिंगापुरले जिम्बावेलाई पराजित गरे संगै राहतको सास फेरेको छ ।

महेश पाण्डे
१२ असोज, चितवन ।

सपना भिलेज सोसियल ईम्प्याक्ट, रत्ननगरले चितवनको सिद्धीमा रहेका बासिन्दाहरुलाई खुशि बाडेको छ । शनिवार साबिक सिद्धी गाबिसका वडा नं. १० र ११ मा पर्ने र हाल कालिका नगरपालिका वडा नं. ९ र १० मा पर्ने बासिन्दाहलाई एक कार्यक्रमका बिच पेरुमा नमुनाको रुपमा रहेको प्रतियोगितात्मक मोडलमा समुदायमानै बिभीन्न बिधामा प्रतियोगिता गराई पहिला काम र पछि मुल्याङकन गरि पुरस्कृत गर्ने पद्धती अनुशारनै पुरस्कृत गरिएको हो ।

नेपालीको आवाज डट कमसंग कुराकानी गर्दै संस्थाका अध्यक्ष ध्रुव गिरीले भने “हामी करिब ३ बर्ष अगाडी सिद्धिको यो ठाउँमा स्वास्थ्य शिविर गर्न आउदा शिक्षा, स्वास्थ्य, आर्थीक उपार्जन लगाएत हरेक क्षेत्रमा यहा समस्या देखेपछि हाम्रो टिमले यहाँ केहि न केहि गर्नुपर्छ भन्ने सोच बनायो र त्यसपछि काठमाण्डौको एउटा संस्थासंग मिलेर बाटो बनाउने, खानेपानी बिकास लगाएतका क्षेत्रमा सहयोग गर्न थाल्यौ तर त्यो सफल हुने नदेखिएपछि पेरुमा रहेको प्रतियोगितात्मक मोडलमा कार्यक्रम लैजानको लागि केहि कर्मचारीहरुलाई पेरुनै पठाएर तालिम लिन लगायौ र त्यहि मोडलमा कार्यक्रम सञ्चालन गर्यौ जसको परिणाम तपाईले देख्नुभएको छ ।”

पहिला काम अनि पुरस्कारको प्रकृया भएकाले काम गरि पुरस्कार लिन आउनेको कार्यक्रमा उल्लेख्य उपस्थिती देख्न सकिन्थ्यो । जसमा सबैभन्दा धेरै ९० प्रतिशत चेपाङको उपस्थिती थियो भने केहि अन्य जातीका समुदायका मानिसहरुको पनि उपस्थिती रहेको थियो ।

प्रतियोगिताका बिधाहरुमा अन्र्तरघर प्रतियोगिता (जस अन्र्तगत परिवार स्वास्थ्य, खानेपानी, सुत्ने ब्यवस्था, सरसफाई आदिलाई हेरेर मुल्याकंन गरिएको जसको पुरस्कार राशि १५००० रहेको), अन्र्तर समुुदाय प्रतियोगिता (जसमा महिला मुख्य भएर सहभागीता जनाउनुपर्ने), अन्र्तर टोल प्रतियोगिता (जसमा सबैटोलको सबैकुरा हेरेर पुरस्कृत गरिएको र पुरस्कार राशि प्रथम ८५ हजार, द्धितीय ६५ हजार, तृतीय ५० हजार रहेको), अन्र्तर बिद्यालय प्रतियोगिता (जसमा सबै बिद्यालयका सबैकुरा हेरेर पुरस्कृत गरिएको र पुरस्कार राशि प्रथम ८५ हजार, द्धितीय ६५ हजार, तृतीय ५० हजार रहेको), स्वास्थ्य स्वंयम सेविका प्रतियोगिता (स्वास्थ्य सेवा दिने कुराहरु, खोप लगाएतका सबैकुरा हेरेर पुरस्कृत गरिएको), उत्कृष्ट कृषक प्रतियोगिता (जसमा सबैटोलमा कृषकहरुले गरेको कामको मुल्याकंन गरि सबैभन्दा राम्रो बोयर जातका १५ वटा बोका बितरण गरिएको, जसको मुल्य करिब ९ लाख रुपैया रहेको) र अन्र्तर निर्णायक प्रतियोगित (जसमा सबै बिधामा मुल्याकंन गर्न र उत्कृष्ट निर्णय गर्नको लागि सहयोग गर्ने निर्णायक) रहेको थियो ।

कालिका वडा नं. ११ मा रहेको राष्ट्रिय माध्यामिक विद्यालय मझवाङ्गमा आयोजना गरिएको चोथो पुरस्कार बितरण, विविध सास्कृतीक कार्यक्रम तथा समापन समारोहका प्रमुख अतिथी प्रतिनीधि सभा सदस्य तथा कानुन न्याय तथा मानव अधिकार संसदिय समितीका सभापति कृष्ण भक्त पोखरेलले सपना भिलेजले गरेको कामको प्रशंसा गर्दै हाल अस्पतालहरुले १० प्रतिशत गरिब समुदायलाई निशुल्क उपचार गर्नुपर्नेमा नगरेको बताउदै अब सरकारले त्यो काम उनिहरुलाई गराएरनै छोड्ने बताए । सरकारी अस्पतालमा त्यस्तो समस्या नभएपनि केहि प्राईभेट मेडिकल कलेजहरु तथा अस्पतालले भने त्यसो नगरेको पाईएकोले अब त्यसो नगरे कार्वाहि समेत हुने बताए । उनले अब कम्युनिष्टले कांग्रेसलाई र कांग्रेसले कम्युनिष्टलाई गालि गर्ने बेला सकिएकोले काम गर्न तर्फ लाग्नुपर्ने पनि बताए । यदि हामीले काम गरेनौ र एकले अर्कालाई गालिगलौज मात्र गर्यौ भने जनताले अब माफी नदिने बताउदै अब काम गर्नुको बिकल्प नभएको बताए ।

प्रदेश नं ३ का सांसद घनश्याम दाहालले यदि चेपाङको स्थितीमानै सुधार नभए संघियतामा गएको केहि अर्थ नहुने बताउदै अब चेपाङको जिवन स्थर सुधार्न आवास सहितको शिक्षा हुनुपर्छ भन्ने सोच अनुरुप प्रदेश सरकारले बजेट बिनियोजन गरेको बताए ।

कालिका नगरपालिकाका नगर प्रमुख खुमनारायण श्रेष्ठले अब गरिवलाई भन्दा पनि गर्नेलाई पुरस्कार दिनुपर्छ भन्दै सपना भिलेज कालिका नगरपालिका को कामलाई सकाएर जान लागेकोमा अझै केहि बर्ष नजान अनुरोध गरे ।

ईच्छा कामना गाउपालिकाकी अध्यक्ष गिता गुरुङले सपना भिलेज अब ईच्छा कामना आउनलागेको सुनेर आफु निकै खुशि भएको बताउदै सिद्धिका जनता जस्तै अब ईच्छा कामनाका पिछडीएका र गरिब बासिन्दाहरु लाभान्वित हुने बताईन ।

कार्यक्रममा बिविध सास्कृतीक कार्यक्रम पनि गरिएको थियो । जसमा राष्ट्रिय तथा स्थानिय कलाकारहरु नेत्रजि पन्त, गोबिन्द अधिकारी लगाएतको उपस्थिती रहेको थियो भने रत्ननगर कला मन्दिरले आफ्नो मनोरञ्जनात्मक प्रस्तुति पनि प्रस्तुत गरेको थियो

११ आश्विन २०७६,

सिंगापुरमा जारि त्रिकोणात्मक ट्वान्टी ट्वान्टी क्रिकेटमा नेपालले सिंगापुरलाई पराजित गर्दै शृंखलाको पहिलो जित दर्ता गरेको छ । सिंगापुरलाई धुल चटाइ पारामा हराउन पारस खड्काको शानदार ब्याटिंग प्रमुख थियो । नेपाली क्याप्टेन खड्काले ९ छक्का र ७ चौकाको मद्दतले मात्र ५२ बलमा अविजित १०६ रन बनाए । अन्तरास्ट्रिय मान्यता प्राप्त ट्वान्टी ट्वान्टी क्रिकेटमा नेपाली खेलाडीले बनाएको यो पहिलो कीर्तिमानी शतक हो । टस जितेर ब्याटिंग गरेको सिंगापुरले निर्धारित २० ओभरमा ३ विकेटको क्षतिमा १५१ रन बनाएको थियो । सिंगापुरको लागि टिम डेबिटले ६४ रन बनाए । नेपालका लागि करण केसीले २ तथा शुशन भारीले १ विकेट लिए । १५२ रनको मध्यम लक्ष्य पछ्याएको नेपालको सुरुवात भने राम्रो हुन सकेन । खेलको दोश्रो ओभरमा नेपाली ओपनर इशान पाण्डे मात्र ५ रन बनाएर क्याचआउट हुन पुगे , फर्स्टडाउन मा ब्याटिंग गर्न आएका आरिफ शेख र पारस खड्काले दोश्रो विकेटका लागि अविजित १४५ रनको साझेदारी गर्दै नेपालको शानदार जितको यात्रा तय गरे । आरिफले ५ चौकाको मद्दतले ३८ बल सामना गर्दै अविजित ३९ रन बनाए । सिंगापुरका लागि जनक प्रसादले १ विकेट लिनु बाहेक अरु कुनै बलरले विकेट लिन सकेनन । नेपालका लागि शानदार प्रर्दशन गरेका पारस खड्का “म्यान अफ दि म्याच” घोषित भए ।

११ आश्विन २०७६,
रत्ननगर ।
रत्ननगर २ टांडीमा रहेको पेवा बचत तथा ऋण सहकारी संस्था लि. को सातौ वार्षिक साधारण सभा आज होटल स्टार व्याङ्क्युट निपनिमा सम्पन्न भएको छ । कार्यक्रमका प्रमुख अतिथी समेत रहनुभएका रत्ननगर नगरपालिकाका मेयर नारायण बनले १७११ जना शेयर सदस्य रहेको पेवा बचतलाई शुभकामना व्यक्त गर्दै सहकारीहरु प्रगतिको स्तम्भ बन्दै गएको बताउनुभयो ।

कार्यक्रममा रत्ननगर नगरपालिकाको उपप्रमुख बिमला दुवाडी, जिल्ला बचत तथा ऋण सहकारी संघ लि.का अध्यक्ष हरिश्चन्द्र सुवेदी, नेपाल बचत तथा ऋण केन्द्रिय सहकारी संघ लि. का फिल्ड प्रमुख यमकला सुवेदी लगाएतले मन्तब्य राख्नुभएको थियो । कार्यक्रममा एस इ इ मा उत्कृष्ठ अंक प्राप्त गर्ने शेयर सदस्यका छोरा छोरी, कर्मचारी, जेष्ठ शेयर सदस्य तथा निवर्तमान कार्यसमितिलाई सम्मान गरिएको थियो । संस्थाका सचिव शिवलाल श्रेष्ठले संचालन गर्नुभएको कार्यक्रम संस्थाका अध्यक्ष गोविन्द प्रसाद भट्टराइको अध्यक्षतामा सम्पन्न भएको हो ।

११ आश्विन २०७६,
चितवन ।
चितवनको भरतपुरमा हुने ज्ञानेन्द्र शाहीको कार्यक्रम बिथोलिएको छ । साथै उनि माथि निर्घात कुटपिट भएको छ । उनको टाउकोमा गम्भीर चोट लागेको छ । उनको अहिले चितवन मेडिकल कलेजमा टाउकको सिटी स्क्यान गरेर उपचार भईरहेको उपचारमा सहभागि चिकित्सकले जानकारी दिए । स्थानीय युवाहरुले चितवनलाई राजनैतिक अखडा बनाउन खोजिएको भन्दै उनको बिरोध गर्दै स्टेज भत्काए र ब्यानर च्यातिदिए । उनलाई कुट्ने व्यक्ति पत्ता नलागेपनि कुटेको आशंकामा केहि व्यक्तिलाई प्रहरीले पक्राउ गरेको छ । उनि कुटिए लगत्तै प्रहरीले उद्दार गरि अस्पताल पठाएको छ । स्थिति थप जटिल नहोस भन्नका लागि प्रहरी परिचालन गरिएको छ । आफुलाई भष्ट्राचार बिरोधी अभियान्ता भन्दै देशको विभिन्न स्थानमा कार्यक्रम गर्ने क्रममा शाही चितवन आएका थिए । सत्तारुढ नेपाल कम्युनिस्ट पार्टी (नेकपा)सम्वद्ध विद्यार्थीहरुले कार्यक्रम गर्न नदिने भने पछि तनाब सिर्जना भएको थियो । चौबिसकोठी स्थित होटल ग्लोबल बाट निस्किएर कार्यक्रमका लागि निस्कने क्रममा उनीमाथि कुटपिट भएको हो साथै उनि चढेको माइक्रोबसमा तोडफोड भएको छ ।

 

RANDOM POSTS

0 20
सरकारी स्वामित्वको नेपाल टेलिकमले ३२ जिल्लाका ५० भन्दा बढी शहरमा चौथो पुस्ताको फोरजी सेवा सञ्चालनमा ल्याएको छ । प्रधानमन्त्री केपी शर्मा ओलीले आज सातै...