मितिः २०८१, १ असार शुक्रबार

भरतपुरका दुई सहित १० ठेकेदार कम्पनी कालोसूचीमा

सार्वजनिक खरिद अनुगमन कार्यालयले भरतपुरका दुई सहित १० ठेकेदार कम्पनी र तीन आपूर्तीकर्तालाई कालोसूचीमा राखेको छ । कालोसूचीमा परेका जम्मा १३ कम्पनीमध्ये दुई कम्पनीलाई तीन वर्ष, एक कम्पनीलाई दुई वर्ष र १० कम्पनीलाई एक वर्ष कालो सूचीमा राखिएको कार्यालयले जनाएको छ ।
भरतपुर महानगरपालिकाको आग्रहमा भरतपुर–१७ स्थित जन कन्स्ट्रक्सन प्रालिलाई एक वर्षको लागि कालोसूचीमा राखिएको छ । कन्स्ट्रक्सनको मुख्य व्यक्ति जनक गुरुङ भएको बताइएको छ । त्यस्तै, सडक डिभिजन भरतपुरको आग्रहमा लोहनी एण्ड सन्स कन्स्ट्रक्सन प्रालिलाई पनि एक वर्षको लागि कालोसूचीमा राखिएको छ । यसको मुख्य व्यक्तिहरु लेखनिधि लोहनी, अशोक लोहनी र दिपक ढकाल रहेका छन् ।
सिराहाको एक जेभीलाई तीन वर्ष र कपिलवस्तुका दुई, काठमाडौँ, जनकपुर,सर्लाही, रौतहत र मकवापुरका एक÷एक ठेकेदार कम्पनी कालोसूचीमा परेका छन् । कालो सूचीमा राखिएको निर्माण व्यवसायी तथा आपूर्तिकर्ताहरूले कालो सूचीमा राखिएको अवधिभर सार्वजनिक निकायको कुनै पनि खरिद कारबाहीमा भाग लिन सक्ने छैनन् ।

No widgets found. Go to Widget page and add the widget in Offcanvas Sidebar Widget Area.