मितिः २०८१, ५ असार मंगलवार

सौराहामा क्रिसमसको इभको तयारी पूरा

सौराहा ०८ पुुस । चितवनको पर्यटकीय नगरी सौराहामा क्रिसमस इभको तयारी पुरा भएको छ । क्रिसमस इभमा शनिवार बेलुका सौराहामा सांस्कृतिक कार्यक्रम गर्न लागेको हो । रेष्टुरेन्ट एण्ड बार एशोसियसन(रेवान)सौराहाले क्रिसमस इभलाई भब्य बनाउन सौराहालाई सजाएका छन् । क्षेत्रीय होटल संघ चितवन सौराहाले आयोजना गर्दै आएको चितवन हात्ती महोत्सव रोकिएपछि व्यवसायीहरुले सोही समय पारेर क्रिसमस इभ गरेका हुन । इशाई धर्मालम्बीहरुले मनाउने क्रिसमस इभलाई सौराहाका व्यवसायीले पर्यटन भित्र्याउने माध्यमको रुपमा मनाउन थालेका छन् । कार्यक्रममा गायिका रचना रिमाल सहित रत्ननगर कला मन्दिरका कलाकारहरुको प्रस्तुती रहने छ । पर्यटक भित्र्याउन केही न केही गतिविधि गर्नुपर्छ रेवान सौराहाका अध्यक्ष नरेश गिरीले भने हात्ती महोत्सव नभएपछि क्रिसमस इभको तयारी गरेका हौं । क्रिसमस इभलाई लक्षित गरी सौराहालाई ध्वजावतकाले सझाइएको छ । मुख्यचोकमा क्रिसमट ट्रि बनाएको छ । सौराहामा क्रिसमस इभको रौनक सुरु भइसकेको छ रेवानका महासचिव सुर्यबहादुर रिमालले भने एकहप्तायता स्वदेशी र विदेशी पर्यटकको संख्या उत्तिकै रहेको छ । रेवान सौराहाका पूर्व अध्यक्ष गोकर्ण गिरीले अग्रेजी नयाँ बर्षमा विदेशी पर्यटकहरु स्वदेश फर्किने भएकाले उनीहरुलाई सौराहामै टिकाइराख्न क्रिसमस इभमा कार्यक्रम गरिएको बताए ।

No widgets found. Go to Widget page and add the widget in Offcanvas Sidebar Widget Area.