मितिः २०८१, ५ असार मंगलवार

प्रधानमन्त्री कप राष्ट्रिय महिला टी–२० मा लुम्बिनीलाई पराजित गर्दै मधेश प्रदेश सेमिफाइनलमा

सुनसीको इटहरीमा जारी रहेको प्रधानमन्त्री कप राष्ट्रिय महिला टी–२० क्रिकेट प्रतियोगितामा मधेश प्रदेशले लुम्बिनी प्रदेशलाई पराजित गर्दै सेमिफाइनलमा स्थान बनाएको छ ।
आज बुधवार भएको पहिलो खेलमा मधेशले लुम्बिनीलाइ १६ रनले हराउदै सेमिफाइनलमा स्थान बनाएको हो । समूह ए बाट सुदूरपश्चिम र सशस्त्र प्रहरीको एपीएफ क्रमसः विजेता र उपविजेताका रुपमा सेमिफाइनल पुग्दा समूह बीबाट प्रदेश १ विजेता र मधेश प्रदेश उपविजेताका रुपमा अन्तिम चारमा पुगेका हुन् । दुबै सेमिफाइनल खेल शुक्रबार हुनेछ ।
इटहरीको जनता क्रिकेट मैदानमा टस हारेर पहिले ब्याटिङ रोजेको मधेशले निर्धारित ओभरमा ५ विकेट गुमाएर एकसय सात रनको योगफल खडा गरेको थियो । उसका लागि साना प्रभिनले पाँच चौकाको मदतले अविजित ४६ रन बनाइन । रोजी कदारीले १५ रन जोड्दा मधेशले अतिरिक्त २७ रन पाएको थियो ।
लुम्बिनीका मनिषा राना, सरस्वती पुन र बिभास्ना वीसीले १–१ विकेट लिईन् । एकसय आठ रनको लक्ष्य पछ्याएको लुम्बिनीले २० ओभरमा पाँच विकेट गुमाएर ९१ रनमा समेटियो । लुम्बिनीका लागि रन्जु श्रेष्ठ र मधु डीसीले समान २१ रनको योगदान गरिन् । आशा पुलामी मगर र कप्तान सरस्वती जीएमले ११–११ रन बनाउँदा लक्ष्मी चौधरीले १२ तथा सरस्वती पुनले १० रन जोडिन् ।
माघ ७ गतेसम्म चल्ने उक्त प्रतियोगतामा विजेताले पाँच लाख र उपविजेतालेतीन लाख रुपैयाँ प्राप्त गर्नेछन । प्रतियोगिताको उत्कृष्ट खेलाडीलाई ३० हजार, उत्कृष्ट ब्याट्स वुमनलाई २० हजार र उत्कृष्ट बलरलाई २० हजार रुपैयाँ प्रदान गरिने छ ।

No widgets found. Go to Widget page and add the widget in Offcanvas Sidebar Widget Area.