मितिः २०८१, ५ असार मंगलवार

संखुवासभामा अरुण तेस्रोको सुरुङ भत्किँदा एक कामदारको मृत्यु, दुई जना घाइते

संखुवासभामा निर्माणाधीन नौ सय मेगावाटको अरुण तेश्रोको सुरुङभित्र आज मंगलबार बिहान एक जना कामदारको मृत्यु भएको छ । दुई जना घाइते भएका छन् ।
पावरहाउस रहेको स्थान चिचिलाको पुखुवास्थित सुरुङभित्र काम गर्ने क्रममा सुरुङ भत्किएर दुर्घटना भएको प्रहरीले जनाएको छ । मृत्यु हुने कामदारमा सिन्धुपाल्चोकका २० वर्षीय सूर्य गोले तामाङ रहेका छन् । त्यस्तै, भोजपुरका ५४ वर्षीय भीमबहादुर पाण्डे र सिन्धुपाल्चोकका ३८ वर्षीय मंगल तामाङ घाइते भएका छन् ।
दुवै जना घाइतेहरूको अवस्था सामान्य रहेको बताइएको छ । मृतकको शव पोष्टमार्टमका लागि अहिले जिल्ला अस्पताल खाँदबारी लगिएको छ ।

No widgets found. Go to Widget page and add the widget in Offcanvas Sidebar Widget Area.