मितिः २०८१, १० जेष्ठ बिहीबार

जोमसोमबाट पोखराका लागि छुटेको बस कालीगण्डकीमा खस्दा १७ जना घाइते

मुस्ताङको जोमसोमबाट पोखराका लागि छुटेको बस कालिगण्डकी नदीमा खस्दा दुई भारतीयसहित १७ जना यात्रु घाइते भएका छन् ।
बेनी–जोमसोम कोरला सडक अन्तर्गत थासाङ गाउँपालिका–३ धम्पुमा बिहान ना ७ ख ७४४० नम्बरको बस दुर्घटनामा परेको जिल्ला प्रहरी कार्यालय मुस्ताङले जनाएको छ । दुर्घटनामा घाइते भएकाहरुको गण्डकी अस्पताल पोखरामा उपचार भइरहेको छ ।घाइतेमध्ये दुई जनाको अवस्था गम्भीर छ ।
बस करिब ४५ मिटर तल खसेको हो । दुर्घटनाको कारण भने खुल्न सकेको छैन । बस सीधै पानीमा खसेको र प्रहरी कार्यालय पनि नजिकै रहेकाले छिटो उद्धारसमेत हुँदा ठूलो क्षति हुन नपाएको बताइएको छ ।

No widgets found. Go to Widget page and add the widget in Offcanvas Sidebar Widget Area.