चितवन सेरोफेरो

चितवन मेडिकल कलेजले पेन (दुखाई) फिजिसियन सेवा शुरु गरेको छ । मेडिकल कलेजमा नेपालमा नै पहिलो पटक चितवन मेडिकल कलेजले यो सेवा सुरु गरेको जनाइएको छ । सेवा शुभारम्भको अवसरमा शनिबार निःशुल्क शिविर आयोजना गरिएको छ । चिकित्सा विधामा पछिल्लो समय अभ्यासमा आएको दुखाई व्यवस्थापन (पेन म्यानेजमेन्ट) सेवा सुरु गरेको अस्पतालका निर्देशक प्रा.डा.दयाराम लम्सालले जानकारी दिनुभयो । उहाँले दुखाईको उपचार टिमवर्क भएको भन्दै उहाँले पेन फिजिसियनसँगै यससँग सम्बन्धित अन्य सुविधाहरु पनि अस्पतालमा रहेको जानकारी दिनुभयो । भारतको प्रतिष्ठित संस्थाबाट फेलोसिप गर्नुभएका इन्टरभेन्सनल पेन एण्ड स्पाईन स्पेशलिष्ट डा. रोहित बाल्यानले दुखाई सम्बन्धी उपचार सेवा दिनुहुने बताइएको छ । दुखाइका कारण स्मरणशक्ति,…

चितवनको पटिहानीमा आजदेखि दुर्लभ एकसिङ्गे गैँडा संरक्षणसम्बन्धी छलफल सुरु हुँदैछ । थर्ड राइनो रेञ्ज कन्ट्रिज मिटिङ’ मा तीन दिनसम्म हुने उक्त छलफलमा एसियाका पाँच देशका उच्च अधिकारीहरूको सहभागी रहनेछ । छलफलमा नेपाल, भारत, भुटान, इण्डोनेसिया र मलेसियाका उच्च अधिकारीको सहभागीता रहने राष्ट्रिय निकुञ्ज तथा वन्यजन्तु संरक्षण विभागका सूचना अधिकारी डा गणेश पन्तले जानकारी दिनुभयो । नेपालबाट निकुञ्ज र वन विभागका महानिर्देशकसहित मन्त्रालयका सहसचिव बैठकमा सहभागी हुने जनाइएको छ । यससँगै अरु देशबाट पनि गैँडासँग सम्बन्धित विज्ञ सहभागी हुने पन्तले जानकारी दिनुभयो । फिल्डमा रहेर काम गर्ने कर्मचारी पर्यवेक्षकका रूपमा सहभागी हुनेछन् । उहाँका अनुसार विज्ञहरूले कार्यपत्र र अनुभव आदान–प्रदान गर्नुहुनेछ…

चितवनका प्रहरी उपरीक्षक तथा प्रहरी नायव उपरीक्षकको सरूवा भएको छ । जिल्ला प्रहरी कार्यालय चितवनका प्रमुख एवम् प्रहरी उपरीक्षक नवराज अधिकारी र इलाका प्रहरी कार्यालय रत्ननगरका प्रमुख एवम् प्रहरी नायव उपरीक्षक रविनबाबु रेग्मीको सरूवा भएको हो । जिल्ला प्रहरी कार्यालयको प्रमुख अधिकारी केन्द्रीय अनुसन्धान ब्यूरो काठमाडौँ र इलाका प्रहरी कार्यालय टाँडीका प्रमुख रेग्मी जिल्ला प्रहरी कार्यालय तनहुँमा सरूवा हुनुभएको हो ।

चितवनको पर्यटकीय क्षेत्र सौराहामा ‘प्रणय दिवस’ को अवसरमा फुड फेस्टिबल आयोजना हुने भएको छ । क्षेत्रीय रेष्टुरेन्ट एण्ड बार एशोसिएशन (रेवान) सौराहा र रेवान महिला समूहको संयुक्त आयोजनामा सौराहामा १७ औँ सौराहा फुड फेस्टिबल २०७९ आयोजना गर्न लागिएको हो । शुक्रवार सौराहामा पत्रकार सम्मेलन गरी फुड फेष्टिबलका संयोजक ध्रुव गिरीले सौराहालाई विश्व पर्यटन बजारमा थप परिचित बनाउन ‘प्रणय दिवस’ को अवसर पारेर माघ २९ गतेदेखि फागुन २ गतेसम्म सडकमा फुड फेस्टिबल आयोजना गर्न लागिएको जानकारी दिनुभयो । हरेक दिन हुने सडक फुड फेस्टिबलमा विभिन्न जातजातिहरुको झाँकीहरुको प्रस्तुती रहने उहाँले बताउनुभयो । तीन दिनसम्म सञ्चालन हुने फुड फेस्टिबलमा स्थानिय, स्वदेशी तथा…

चितवनको कालिका नगरपालिका वडा नं ३ मा सरसफाई तथा चेतनामुलक अभियान सुरु भएको छ । वडालाई सरसफाईमा नमुना वडा बनाउने उद्देश्यले टोल विकास संस्था परिचालन गरी सरसफाई अभियान सुरु गरिएको हो । आज विहीबार सो नगरपालिकाका मेयर विनोद रेग्मीले वडा कार्यालयमा आयोजित एक औपचारिक कार्यक्रमका बीच अभियानको सुरुवात गर्नुभएको छ । सो अवसरमा उहाँले आगामी आर्थिक बर्ष २०८०–८१ बाट फोहोर व्यवस्थापनको काम सुरु गर्ने योजना अनुरुप प्रक्रिया सुरु भइसकेको बताउनुभयो । पदमपुर क्षेत्रमा रहेको सार्वजनिक जग्गामा डम्पिङ साइड राख्ने गरी प्रस्ताबना लेखनको काम भइरहेको भन्दै उहाँले घरबाट निस्कने कुहिने फोहोरलाई जैविक मलको रुपमा प्रयोग गर्ने र प्लाष्टिक र सिसाजन्य फोहोरको…

अभियोग दाबी नपुगेपछि सविता भण्डारी (धिताल) मृत्यु घटनाका तीन जना प्रतिवादीले सफाइ पाएका छन् । आत्महत्या दुरुत्साहन अभियोगमा मुछिएका मृतक भण्डारीका ससुरा, श्रीमान्, अमाजूले गत माघ ४ गते जिल्ला अदालत चितवनबाट सफाइ पाएका हुन् । मुद्दा दर्ता भएको एक वर्ष आठ महिनामा अदालतका न्यायाधीश मातृका आचार्यको इजलासले अभियोगबाट सबै आरोपितले सफाइ पाउने फैसला सुनाएको हो । विसं २०७८ वैशाख ४ गते दिउँसोको करिब ५ बजे सविता आफ्नै कोठाको झ्यालमा रहेको ग्रीलमा सलले पासो लगाएर झुन्डिएको अवस्थामा फेला पर्नुभएको थियो । मृत्यु हुनुभन्दा अघिल्लो दिन (वैशाख ३ गते) सविता र योगेन्द्रले सातौँ विवाह वर्षगाँठ मनाउनु भएको थियो । त्यसको भोलिपल्ट नै…

चितवनको इच्छाकामना गाउँपालिकाले पहाडी भुगोलमा रहेका किसानहरुले उत्पादन गरेका कृषिजन्य उत्पादनको सहज ढुवानीको लागि कृषि एम्बुलेन्स खरिद गर्ने भएको छ । विशेष गरेर गाउँपालिकाको वडा नं. १, २ र ७ को पहाडी भू–भागमा रहेका किसानहरुलाई लक्षित गरि उक्त एम्बुलेन्स खरिद गर्ने तयारीमा लागिएको हो । यसका लागि गाउँपालिकाले साझेदारीमा ४० लाख रुपैयाँको बजेट व्यवस्थापन गरिएको गाउँपालिकाका प्रमुख प्रशासकीय अधिकृत जगतप्रसाद भुषालले बताउनुभयो । गाउँपालिकाले उक्त बजेटबाट तीनवटा कृषि एम्बुलेन्स खरिद गर्ने उहाँको भनाई छ । स्थानीय कृषि समूह तथा सहकारीहरुसँग सहकार्य गरी ती एम्बुलेन्स सञ्चालन गरिनेछ । साथै कृषि एम्बुलेन्समा सहकारीको २५ प्रतिशत, गाउँपालिकाको २५ प्रतिशत र नेपाल सरकारको ५०…

चितवनको पर्यटकीय नगरी सौराहामा साइलकलेन सहितको नमुना सडक निर्माण कार्यको प्रारम्भ गरिएको छ । सौराहाको पर्यटन विकासका लागि १४ करोड १० लाखको लगानीमा सडक निर्माण सुरु गरिएको हो । रत्ननगरका मेयर प्रल्हाद सापकोटाको पहलमा केन्द्र सरकारको लगानीमा आर्कषक सडक निर्माण कार्य सुरु भएको हो । राष्ट्रिय योजना आयोगका निर्वतमान उपाध्यक्ष डा.विश्वनाथ पौडेलको सहजीकरणमा परेको सो सडक आज बुधबार मेयर सापकोटाले शिलान्यास गर्नुभएपछि निर्माणको काम सुरु भएको छ । सौराहाको राप्तीड्याक देखि पूर्व तर्फ हर्नहरी पुल सम्म करिब एक हजार पाँचसय मिटर नमुना सडक निर्माण हुने छ । १५ मिटर चौडाई रहने सडकमा कलोपत्रे पिचसंगै साइकललेन, फुटपाथ र ढल निर्माण हुनेछ…

भरतपुर महानगरपालिकाले नारायणगढस्थित मेनरोडको खाल्डो नपुरेपछि स्थानीयले खाल्डोमा वृक्षारोपण गरेर महानगरको विरोध गरेका छन् । सडकमा खाल्डो परेको एक वर्ष भइसक्दा पनि पुर्ने काम नभएको भन्दै स्थानीयले खाल्डोमा वृक्षरोपण गरेर महानगरको विरोध गरेका हुन् । खाल्डो पुर्न आफुहरुले पटक–पटक आग्रह गर्दा पनि बेवास्ता भएको स्थानीयको भनाई छ । सडकमा भएको खाल्डोका कारण दुर्घटनाको जोखिम बढेको भन्दै स्थानीयले सांकेतिक विरोध स्वरुप खाल्डोमा वृक्षारोपण गरेका हुन् । वडा कार्यालयले गिट्टी ल्याएर खाल्डो पुरेपनि सवारी साधन गुड्दा गिट्टी उछिट्टिएर पैदल यात्रु घाइते भएको स्थानीय उमेश कडेलले बताउनुभयो । पिच गर्ने काम सडक विभागको हुने भनेर वडाध्यक्ष पन्छिएको स्थानीयको गुनासो छ ।