आर्थिक खबर

पटक–पटक म्याद थप गर्दा पनि काममा प्रगति नदेखिएपछि गत र चालु आर्थिक वर्षमा गरी करिब तीन दर्जन ठेक्का सम्झौता तोडिएको छ । म्याद थप गरे पनि ठेकेदारले काम बेवारिस बनाएपछि ठेक्का सम्झौता तोडिएको सडक विभागले जनाएको छ । सबैभन्दा बढी ठेक्का सडक डिभिजन कार्यालय चन्द्रनिगाहपुर रौतहटले तोडेको छ । उक्त कार्यालयले चालु आर्थिक वर्षमा १० र गत वर्षको जेठमा तीनवटा ठेक्का तोडेको जनाएको छ । सबैभन्दा बढी तोडिएका ठेक्का पुलसँग सम्बन्धित छन् । अझै पनि केही ठेक्कामा प्रगति नदेखिएपछि तोड्ने प्रक्रियामा लगिएको सडक विभागका महानिर्देशक अर्जुनजंग थापाले बताउनुभयो । म्याद थप गर्दा पनि काममा प्रगति नदेखिएकाले कारबाही स्वरुप ठेक्का तोडिएको…

बैंक तथा वित्तीय संस्थाबाट कालोसूचीमा परेका व्यक्तिले कुनै पनि बैंकमा निक्षेप खाता खोलेर बचत गर्न पनि नपाउने भएका छन् । हालै जारी एकीकृत निर्देशिका मार्फत राष्ट्र बैंकले यस्तो व्यवस्था गरेको हो । नयाँ व्यवस्था अनुसार बैंक तथा वित्तीय संस्थाले निक्षेप खाता खोल्नु अघि सम्बन्धित व्यक्ति कालोसूचीमा परे–नपरेको सम्बन्धमा कर्जा सूचना केन्द्रबाट सूचना लिनुपर्नेछ । सूचना केन्द्रबाट जानकारी लिँदा लागेको शुल्क ग्राहकबाट असुल्न नपाइने व्यवस्था पनि राष्ट्र बैंकले गरेको छ । कर्जा सूचना केन्द्रको विवरण अनुसार इजाजतपत्रप्राप्त संस्थाले कुनै पनि खाता खोल्नुपूर्व निक्षेपकर्ता कालोसूचीमा नरहेको एकीन गरेर मात्र खाता खोल्नु पर्नेछ । यसवापत संस्थाले ग्राहकसँग कुनै शुल्क लिन पाउने छैन ।…

नेपाल वायुसेवा निगमले अनलाइन टिकटको लागि प्रक्रिया सुरु गरेको छ । निगमको आन्तरिक तथा अन्तर्राष्ट्रिय टिकट इ–सेवाबाट काट्न सकिने निगमले जनाएको छ । आइएमई पे लगाएत अन्य वालेटहरुबाट पनि टिकट लिन सक्ने व्यवस्था गर्ने समेत जनाइएको छ । आन्तरिक क्षेत्रमा उडान हुने विमानको यात्रु बोक्ने सिट क्षमता १९ हो । १९ सिट क्षमता भएपनि उडान गन्तव्यको मौसम, इन्धनको उपलब्धता, विमानको प्राविधिक तथा विविध कारणले प्रभाव पार्ने हुँदा सिट संख्यामा स्वतः परिवर्तन हुने निगमले जनाएको छ ।

भारतबाट इन्धनको मूल्य बढेर आएको छ । अन्तर्राष्ट्रिय बजारमा कच्चा तेलको मूल्य बढेसँगै भारतीय आयल कर्पोरेसन (आईओसी)ले इन्धनको भाउ बढाएर पठाएको आयल निगमले जनाएको छ । खाना पकाउने ग्यासबाहेक सबै प्रकारका इन्धनको मुल्य बढेर आएको छ । हिजो मंगलबार निगमलाई आएको नयाँमुल्य सूची अनुसार पेट्रोल प्रतिलिटर आठ रुपैयाँ एक पैसा, डिजेल सात रुपैयाँ ९८ पैसा, मट्टितेल चार रुपैयाँ ६१ पैसा तथा हवाई इन्धन सात रुपैयाँ ८० पैसा बढेर आएको हो । भारतबाट बढेर नयाँ मूल्य पाए पनि निगमले आफ्नो उपभोक्ताका लागि नयाँ मूल्य भने निर्धारण गरेको छैन । विगत चार महिनासम्म नाफामा रहँदै आएको निगम भारतबाट इन्धनको मूल्य बढेर आएपछि…