कांग्रेसबाट प्रदेश सांसद बने चितवनका तीन नेतृ

नेपाली कांग्रेसको समानुपातिक सूचीबाट चितवनका तीन जना महिला नेतृ बागमती प्रदेशको सांसद चुनिएका छन् । कांग्रेसले हिजो शनिबार निर्वाचन आयोगलाई बुझाएको सांसदको सूचीमा चितवनका महिला नेतृहरुले अवसर पाएका हुन् ।
कांग्रेस महाधिवेशन प्रतिनिधि समेत रहनुभएकी नेतृ विनु रायमाझी पौडेल र गीता गुरुङ, नेतृ माया श्रेष्ठ सांसदमा चुनिएको कांग्रेस स्रोतले जनाएको छ । सांसद पौडेल तरुण दल हुँदै कांग्रेसको राजनीतिमा लामो समयदेखि कृयाशिल हुनुहुन्छ । कांग्रेसको हरेक गतिविधिमा उहाँको सक्रियता देखिन्छ । उहाँ बागमती प्रदेशको मन्त्री हुन सक्ने संभावित नेतृ हुनुहुन्छ ।
यस्तै गुरुङ कांग्रेसको राजनीतिमा लामो समयदेखि क्रियाशिल छिन् । पौडेल खस आर्य महिला क्लस्टबाट सांसद चुनिनुभएको हो भने गुरुङ र श्रेष्ठ दुवैजना आदिवासी जनजातितर्फबाट सांसद चुनिनुभएको हो ।