यि हुन् सन्तोषसहित मलेसियामा स्वर्णपदक जित्ने चितवनका सात खेलाडी !

मलेसियामा सम्पन्न पाङ्कोर आइल्याण्ड अन्तर्राष्ट्रिय तेक्वान्दो च्याम्पियनसिप २०२२ मा चितवनका सन्तोष भट्टले गोल्डमेडल जित्नुभएको छ ।
लामो समयदेखि मलेसियामा बस्दै आउनुभएका भट्टले उत्कृष्ट प्रदर्शन गर्दै नेपालका लागि स्वर्णपदक दिलाउनुभएको हो ।
भट्टसंगै अन्य छ जना नेपाली खेलाडीले पनि स्वर्णपदक जितेका छन् । उक्त स्वर्णपदक जित्नेहरुमा मोहम्मद उमर खान, सुनिता विष्ट, सुष्मा थापा, सोनम गैरे, नितिश विश्वकर्मा र सक्षम चौधरी रहेका छन् ।
यस्तै जैनव खातुन, अब्बास खान, मोहम्मद उमर खान, सुनिता विष्ट लगायतका चार खेलाडीले रजत पदक जितेका छन् । उक्त प्रतियोगितामा नेपाली खेलाडीहरुको प्रदर्शन उत्कृष्ट रहेको थियो । प्रतियोगितामा टिम प्रशिक्षकको रुपमा रोशन खाँन रहनुभएको थियो ।