१४औँ संस्करणको चितवन महोत्सव आजदेखि सुरु

उद्योग वाणिज्य संघ चितवनको आयोजनामा नारायणगढस्थित नारायणी नदी किनारमा १४औँ संस्करणको चितवन महोत्सव आजदेखि सुरु भएको छ ।
उक्त महोत्सवको बागमती प्रदेशका उद्योग वाणिज्य तथा आपूर्ति मन्त्री मिलनबाबु श्रेष्ठले कलात्मक पानसमा दियो बालेर उद्धघाटन गर्नुभएको छ । यसअघि महोत्सवको उद्धघाटन उपप्रधान तथा अर्थमन्त्री विष्णुप्रसाद पौडेलले गर्ने तय भएको थियो । तर, मौसम प्रतिकुलता कारण समयमै जहाज उड्न नसक्दा अर्थमन्त्री पौडेल आउन नपाएको बताइएको छ ।
महोत्सव अब आउँदो माघ ४ गतेसम्म चल्नेछ ।
उक्त महोत्सवमा चितवनको धर्म, संस्कृति र पर्यटनको विकासलाई केन्द्रित गरी कार्यक्रम तय गरिएको छ । महोत्सवमा चारसय ५० स्टल रहेका र २५ करोड रुपैयाँ बराबरको कारोबार हुने महोत्सव मूल समारोह समितिका संयोजक चुननारायण श्रेष्ठले बताउनुभएको छ ।