प्रधानमन्त्री प्रचण्डद्धारा गोरखा महोत्सवको उद्घाटन

प्रधानमन्त्रीसमेत रहनुभएका नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले आज गोरखा महोत्सवको उद्घाटन गर्नुभएको छ ।
गोरखास्थित हरमटारीमा भएको गोरखा महोत्सव आजदेखि सुरु भएको छ । गोरखा उद्योग बाणिज्य संघको आयोजनामा भएको गोरखा महोत्सव उद्घाटन समारोहमा उपप्रधान एवं भौतिक योजना तथा यातायात मन्त्री नारायणकाजी श्रेष्ठ, माओवादीका प्रमुख सचेतक हितराज पाण्डे, नेपाली कांग्रेसका सांसद राजेन्द्र बजगाईंलगायतको सहभागीता छ ।
प्रचण्ड प्रधानमन्त्री बनेपछि पहिलो पटक गोरखा पुग्नुभएको हो । गत मंसिरको चुनावमा प्रचण्ड गोरखा क्षेत्र नम्बर २ बाट प्रतिनिधि सभा सदस्य निर्वाचित हुनुभएको थियो ।