मकवानपुरमा दुई पुरुष मृत अवस्थामा फेला

मकवानपुरमा दुईजना पुरुष मृत अवस्थामा फेला परेका छन् ।
मकवानपुरको कैलाश गाउँपालिका– ६ पकने र हेटौँडा उपमहानगरपालिका– १८ मा गरी दुईजना पुरुष मृत अवस्थामा फेला परेको जिल्ला प्रहरी कार्यालय मकवानपुरले जनाएको छ ।
प्रहरीले सोमबार कैलाश गाउँपालिका– ६ पकने मराङसिङमा धादिङ गजुरी गाउँपालिका– ४ भूमिढुंगाका २२ वर्षीय शंकर तामाङ रहेको बताएको छ। तामाङ स्थानीय वीरबहादुर ब्लोनको बारीमा मृत अवस्थामा फेला परेको जनाइएकाृ छ । त्यस्तै, हेटौँडा १८ गुम्बाडाँडामुनि रहेको खोल्सामा परिचय खुल्न नसकेका अन्दाजी ४०–४५ वर्षका एकजना पुरुष व्यक्ति मृत अवस्थामा फेला परेको प्रहरीले जनाएको छ। घटनाबारे अनुसन्धान थालेको प्रहरीले जनाएको छ ।