पोखरामा आगोमा जलेका युवकलाई बचाउँदा घाइते भएकी सापकोटाको उपचारको क्रममा मृत्यु

पोखरा–१३ काहूँखोलामा हिजो आइतबार आफ्नै शरीरमा पेट्रोल छर्केर आत्मदाहको प्रयास गरेका डेरावाल युवकलाई बचाउने क्रममा जलेर घाइते हुनुभएकी महिलाको मृत्यु भएको छ । काहूँखोलाकी ४० वर्षीया संगीता सापकोटाको आज सोमबार पोखरा स्वास्थ्य विज्ञान प्रतिष्ठानमा उपचारका क्रममा मृत्यु भएको हो ।
सापकोटालाई भेन्टिलेटरमा राखेर उपचार गरिएको थियो ।उपचारकै क्रममा उहाँको आज बिहान ११ बजे मृत्यु भएको प्रतिष्ठानका निर्देशक डा. भरतबहादुर खत्रीले जानकारी दिनुभयो ।
सापकोटाको घरमा स्टेशनरी सञ्चालन गर्दै आउनुभएका ४३ वर्षीय कृष्णबहादुर क्षत्रीले हिजो आइतबार बाथरूममा आत्मदाहको प्रयास गरेपछि उहाँलाई बचाउने क्रममा सापकोटा सख्त घाइते हुनुभएको थियो ।
घाइते दुवै जनालाई छिमेकीले उद्धार गरी अस्पताल पु¥याएका थिए ।अस्पतालमा उपचार गराइरहनुभएका क्षत्रीको हात, खुट्टा र अनुहार जलेको र हालसम्म उहाँको अवस्था सामान्य रहेको चिकित्सकले बताएका छन् । उहाँले आत्मदाहको प्रयास गर्नुको कारण भने हालसम्म खुलेको छैन ।