मोलुङ हाइड्रोपावर कम्पनी लिमिटेडको प्राथमिक सेयर (आईपीओ) आज शुक्रवार बाँडफाँट भएको छ । बिक्री प्रबन्धक सनराइज क्यापिटल लिमिटेडको कार्यालयमा आईपीओ बाँडफाँट भएको हो । यो कम्पनीको आईपीओ दुई लाख २६ हजार चारसय ६५ जनाले २२ लाख ६४ हजार छ सय ५५ कित्ता प्राप्त गरेका हुन् । आईपीओ प्राप्त गर्नेमध्ये पाँच जनाले थप एक÷एक कित्ताका दरले आईपीओ प्राप्त गरेका छन् भने दुई लाख २६ हजार चारसय ६० जनाले १० कित्ताका दरले आईपीओ प्राप्त गरेका छन् ।
आईपीओको रिजल्ट सीडीएस एण्ड क्लियरिङको आईपीओ रिजल्ट वेबसाइट र सनराइज क्यापिटलको वेबसाइटबाट हेर्न सकिनेछ । कम्पनीले गत फागुन ४ गतेदेखि १० गतेसम्म २२ लाख ६४ हजार छ सय ५५ कित्ता आईपीओ आईपीओ निष्कासन गरेको थियो । यो कम्पनीको आईपीओमा एक करोड ५५ लाख ७९ हजार आठसय कित्ताका लागि १४ लाख २४ हजार तीनसय ५१ जनाले आवेदन दिएका थिए ।