आर्थिक खबर

सार्वजनिक खरिद अनुगमन कार्यालयले चितवनका दुई कम्पनी सहित १२ वटा कम्पनीलाई कालोसूचीमा राखेको छ । कार्यालयले एक सूचना प्रकाशित गरी विभिन्न निकायको सिफारिसमा निर्माण व्यवसायी–आपूर्तिकर्तालाई एक वर्षदेखि तीन वर्षसम्म कालोसूचीमा राखिएको जानकारी दिएको छ । कालोसूचीमा पर्ने कम्पनीमा मुख्य व्यक्ति गोपाल ढकाल रहेको युनिभर्सल मल्टी सर्भिसेस प्रालि शङ्खमुल काठमाडौँ, कुमार भण्डारी मुख्य व्यक्ति रहेको श्री स्वर्गद्वारी महाप्रभु विलडर्स प्रालि भिंग्री प्यूठान, कृष्णबहादुर खड्का मुख्य व्यक्ति रहेको श्री सुक्रिन निर्माण सेवा घोराही दाङ, निरजकुमार मिश्र मुख्य व्यक्ति रहेको श्री एसडी कन्स्ट्रकसन जनकपुरधाम धनुषा छन् । त्यसैगरी जगतबहादुर जोरा मुख्य व्यक्ति रहेको राष्ट्र निर्माण सेवा भागेश्वर गाउँपालिका डडेल्धुरा, जनार्धन धिताल मुख्य व्यक्ति…

सुनको मूल्य हालसम्मकै उच्च बिन्दुमा पुगेको छ । नेपाली बजारमा छापावाला सुनको मूल्य आज मंगलबार प्रतितोला एकलाख छ हजार तीन सय रुपैयाँ पुगेको हो । हिजो सोमबार एकलाख पाँच हजार तीन सय रुपैयाँमा कारोबार भएको थियो । नेपाल सुनचाँदी व्यवसायी महासंघका अनुसार उच्च मूल्यमा कारोबार भएको छ । महासंघका अनुसार यसअघि सुनको सबैभन्दा धेरै मूल्य गत वर्ष फागुनमा प्रतितोला एकलाख पाँचहजार रुपैयाँ पुगेको थियो । अहिले सुनको मूल्यले त्यो रेकर्ड पनि तोडेको हो । चाँदीको मूल्य भने घटेको छ । हिजो सोमबार एकहजार तीनसय ८० रुपैयाँ प्रतितोलामा कारोबार भएकोमा आज मंगलबार एकहजार तीनसय ६५ रुपैयाँ प्रतितोलामा कारोबार भएको हो ।

सर्वसाधारणका लागि सुपर मादी हाइड्रोपावर कम्पनीको प्राथमिक सेयर (आईपीओ)आजदेखि खुलेको छ । अंकित मूल्य एकसयका दरले सर्वसाधारणका लागि कुल १७ लाख ४३ हजार कित्ता आईपीओमा आवेदन खुला भएको हो । कम्पनीले यसअघि नै वैदेशिक रोजगारीमा रहेकाहरुलाई आईपीओ बिक्री गरिसकेको छ । यस कम्पनीको आइपीओमा यहि माघ १२ गतेसम्म आवेदन दिन सकिनेछ । उक्त अवधीमा पर्याप्त आवेदन नपरेमा आवेदन दिने अवधि यहि माघ २३ गतेसम्म थप हुनेछ । न्यूनतम १० कित्तादेखि अधिकतम ५० हजार कित्तासम्म आवेदन दिन सकिनेछ । कम्पनीको आईपीओ निष्काशनको लागि धितोपत्र निष्काशन तथा बिक्री प्रबन्धक सानीमा क्यापिटल लिमिटेड छ ।कम्पनीको आईपीओ निष्काशनका लागि धितोपत्र निष्काशन तथा बिक्री प्रबन्धक…